| SMS सुविधा |
Already a member
 |
Not a member
 |
१.सदर सुविधा अतिरिक्त व ऐच्छिक आहे. सदर अतिरिक्त सुविधेसाठी ऐच्छिकरित्या नोंदणी केलेल्या व विहित पध्दतीने शुल्क सादर केलेल्या उमेदवारालाच सुविधेचा लाभ घेता येईल. |
२.सदर सुविधेसाठी इच्छुक उमेदवाराला खालीलप्रमाणे अतिरिक्त शुल्क विहित चलनाद्वारे भारतीय स्टेट बँकेमध्ये भरावे लागेल :-
(१) कायमस्वरुपी (Lifetime) सुविधा : रुपये ५५/-
(२) फक्त ठराविक परीक्षा / भरतीसाठी (Exam Specific) सुविधा : रुपये २२/- |
| ३. सुविधेकरिता नोंदणी करण्याची पद्धत :-
|
| (१)सदर अतिरिक्त सुविधेसाठी नोंदणी करु इच्छिणार्या उमेदवाराला आयोगाच्या www.mpsconline.gov.in या ऑनलाईन अर्ज प्रणालीच्या वेबसाईटवर स्वत:च्या युजर आयडी व पासवर्डद्वारे प्रवेश (Login) करावा लागेल. आयोगाच्या ऑनलाईन अर्ज प्रणालीच्या वेबसाईटवर स्वत:चा युजर आयडी व पासवर्ड उपलब्ध नसलेल्या उमेदवाराने प्रथम नोंदणीची प्रक्रिया पूर्ण करुन युजर आयडी व पासवर्ड प्राप्त करावा. स्वत:च्या युजर आयडी व पासवर्डद्वारे प्रवेश केल्यानंतर Subscribe for SMS या बटनावर क्लिक करावे व कोणत्या प्रकारची SMS सुविधा (Exam Specific or Lifetime ) आवश्यक आहे, त्या सुविधेवर क्लिक करावे. |
| (२) सुविधेची निवड करुन झाल्यानंतर स्वत:च्या मोबाईल क्रमांकाची नोंद करावी अथवा आवश्यकता भासल्यास मोबाईल क्रमांक अद्ययावत करावा. |
| (३)ठराविक परीक्षा / भरतीसाठी नोंदणी करणार्या उमेदवारांना मोबाईल क्रमांक कोणत्याही टप्प्यावर बदलता येणार नाही. कायमस्वरुपी सुविधेसाठी नोंदणी करणार्या उमेदवाराला फक्त एकदाच मोबाईल क्रमांक बदलण्याची परवानगी आहे. सदर सूचनांचे पालन न करणार्या उमेदवाराला SMS सुविधा उपलब्ध न झाल्यास त्याची जबाबदारी उमेदवाराची राहील. अशा प्रकरणी उमेदवाराला पुन्हा नोंदणी करुन नव्याने शुल्क अदा करावे लागेल. |
| (४) ठराविक परीक्षा/भरतीसाठी नोंदणी करणार्या उमेदवारांकरिता सदर सुविधा संबंधित परीक्षा/ भरतीची अंतिम प्रक्रिया पूर्ण होईपर्यंत सुरु राहील. संबंधित परीक्षा/भरतीची प्रक्रिया पूर्ण झाल्यानंतर SMS सुविधा आपोआप बंद होईल. |
| (५) प्रवेश केल्यानंतर मोबाईल क्रमांकाची नोंदणी केल्यावर अथवा अद्ययावत केल्यावर Print Challan या बटनावर क्लिक करावे व चलनाची प्रत घ्यावी. सदर चलनावर नमूद केल्याप्रमाणे आवश्यक शुल्क चलनासह भारतीय स्टेट बँकेच्या कोणत्याही शाखेत बँकेच्या कार्यालयीन वेळेत रोखपालाकडे सादर करावे. |
| (६) भारतीय स्टेट बँकेमध्ये विहित शुल्काचा भरणा केल्यानंतर बँकेकडून चलनावर Transaction ID प्राप्त होईल. चलनावरील Transaction ID व दिनांक ऑनलाईन अर्ज प्रणालीद्वारे पुन्हा नमूद (Enter) केल्याशिवाय SMS सुविधेकरिता नोंदणी पूर्ण होणार नाही. त्याकरिता आयोगाच्या www.mpsconline.gov.in या वेबसाईटवर स्वत:च्या युजर आयडी व पासवर्डद्वारे प्रवेश (Login) करावा. प्रवेश केल्यानंतर Subscribe for SMS या बटनावर क्लिक करावे. त्यानंतर बँकेकडून प्राप्त झालेला Transaction ID व दिनांक विहित ठिकाणी विहित पध्दतीने नोंदवावा व Update या बटनावर क्लिक करावे. त्यानंतरच SMS सुविधेकरिता नोंदणीची प्रक्रिया पूर्ण होईल. |
| (७) अचूकपणे Transaction ID व दिनांक विहित ठिकाणी विहित पध्दतीने नोंदविण्याची जबाबदारी उमेदवाराची आहे. त्याशिवाय सुविधा उपलब्ध होणार नाही. |
| (८) उमेदवाराने स्वत: नोंदविलेला Transaction ID व बँकेकडून प्राप्त झालेला Transaction ID यांचा ताळमेळ ( Reconciliation ) घालून झाल्यानंतरच सुविधा कार्यरत होईल. सदर कार्यवाहीसाठी साधारणपणे तीन दिवसांचा कालावधी लागेल. सुविधा कार्यरत झाल्यानंतर उमेदवाराला SMS प्राप्त होईल. |
४. ऑनलाईन अर्ज प्रणालीद्वारे SMS सुविधेसाठी नोंदणी केलेल्या उमेदवाराला खालील अतिरिक्त सुविधा उपलब्ध करुन देण्यात येईल :-
(१) नवीन जाहिरातीसंदर्भातील सूचना.
(२) बँकेकडून प्राप्त झालेला Transaction ID प्रणालीवर नोंदविल्यानंतर त्याबाबतची सूचना.
(३) परीक्षेचे वेळापत्रक
(४) निकाल
(५) मुलाखतीचा दिनांक
(६) मुलाखत रद्द झाल्यास त्याबाबतची सूचना, इत्यादी. |
